كان زمان حلم كل بنت وهى طالعة تنشر فوم الغسيل تلاقي الحصان الأبيض الأمورأبو جناحات ورفارف بيضا ده راكن جنب الحبل وراكب عليه فارس الأحلام ماسكلها بوقجه المشابك وبيقولها ياريتنى كنت هدمه من ضمن دا الغسييييل ويقوم لافعها وراه على الحصان وطالع بيها ع الرابع... عشان يحققوا الحلم الجميل والبيت الصغير
بس فارس زمااان مش زى فارس دلوقتى
فارس القرن الواحد والعشرين ميقدرش يشترى حتى اسكوتر
ده غير ان صحته بقت على أده يعنى ميقدرش يلفحها وراه على الحصان
مشهد (1)
المكان: باب خشبى قديم مهكع ..بيت قايل للسقوط مكتوب عليه بخط عريض
" يا عزيز يا عزيز كبه تاخد الانجليز"
الزمان: بعد ظهور نتيجه البكالوريا
من وسط مظاهره ماشيه فى الشارع يتسلت شاب فى مقتبل العمر عريض المنخعين
بعلو حسه وهو بيرمى الطربوش بإيده : "أنا نجحت يا ماهى ..نجحت نجحت"
تطل من الشرفه الأرابيسك بوجهها من بين القلتين الفخار ملفوف بمنديل بمبى مسخسخ
" بييييس يا مان ... نزلالك حالا"
مشهد (2)
تخرج من الباب وهى بتلف الملايه
وتنط فى الحنطور جنبه ... وتتحنطر ترن ترن ترن ترن
هى:" وناوى بأه على أنهى مدرسه يا تامر ؟"
وهو بينش بالمنشه السودا : " المهندس خانه وساعتها باه أقدر أجيب دادى ونيجى نقابل أونكل "
مشهد (3)
فى الصالون تدخل الخادمة نعمت حاملة الصينية وتتراقص عليها أكواب الزبادو بالمانجة
الأب: أهلا وسهلا دى فرصه نضيفه اوى
هو: أهلا بيك يا أنكل
الأب: وانت باه يا طعم يا نايتى عندك ايه؟
هو: عندى موبايل من أبو مومورى
الأب: نعم ياخووووويااااا .... بره يا ....
مشهد (4)
تخرج البنت جرى وراه على السلم وهى بتعيط: " إزاى يفرقوا اتنين اتخلقوا لبعض .. اهىء اهىء "
يلفلها والحسره تملأ عينيه ويبصلها ويقولها : بينى بينك سور ورا سور .. وأنا لا مارد ولا عصفور ... فى أيدى ناى والناى مكسور
الناااااااااااااى المكسور
هى دى بأه زتونة الموضوع
بنشوفها كل يوم بتزيد هوجة اليأس اللى بتعكر صفو الشباب والبنات
بتتكسر نفس كل أم بتتنشق على يوم فرح بنتها ونفسها تشوفها عروسة
بيتقتل الأمل فى حضن كل بنوتة بتتخيل إنها ممكن يفوتها قطر الجواز ومتبقاش أم
مشاهد بنشوفها كل يوم حوالينا
وكل ده بسبب كلمة من خمس حروف
ياسمين ....ديو برايت
يمنى .... ون تروثنج
|
ياولاد الايه
تناول رائع ساخر بجد
فكرة اللعب في الزمن خزعبلية
لو تفتكروا فوازير أبيض وأسود
بتاعة هنيدي وفيلم درس خصوصي
حاولوا تستغلوها لوهتكملوا بالشكل ده
حلوة جملة
الحصان الأبيض ابو رفارف بيضا
والحتة بتاعة اسكوتر
ياريتني كنت هدمة من ضمن الغسيل
بالتوفيق